"íslenskur bíll"

[crown victoria]

datt í hug að henda þessu hér inn og hjálpa uppá manninn við leitina endilega að láta hann vita ef þið vitið eitthvað um þetta hann yrði eflaust ánægður

http://www.f4x4.is/new/photoalbum/defau ... =cars/5819

[Mercedes-Benz]

HEHE Sverrisson....!

Það væri gaman ef þetta væri ofanjarðar.... Gaman væri að sjá svipinn á þeim hjá umferðarstofu ef þetta ætti að endurskrásetja......

[Z-414]

Ég sé að það var búið að setja þessa fyrirspurn mína sem ég gerði einhvertímann á vef f4x4.is hingað inn og ég þakka fyrir það, hún á náttúrulega miklu betur heima hérna. En þetta snýst sem sagt um það að mig langar að vita meira um bílinn sem hann afi minn smíðaði og hvað varð um hann.

Þetta er bíll sem afi minn Einar Sverrisson smíðaði á þeim tímum þegar bílar voru munaðarvara og fengu færri en vildu. Bíllinn var skráður með tegundarheitinu "Sverrisson" og var líklega smíðaður einhverntíma upp úr 1950 en þá bjó Einar á Selfossi og vann á búvélaverkstæði KÁ. Efniviðurinn kom úr ýmsum áttum t.d. var vélin úr Chevrolet mjólkurbíl, húsið var smíðað úr timbri. Mér var einhverntíma sagt að hann hefði síðast sést í döpru ástandi á Stokkseyri eða Eyrarbakka.

[Ásgrímur]

Svona kúbu fílingur, eða rúmlega það samt, hef aðeins verið að skoða þetta fyrirbæri .þe, þessa bíla hér, heimasmíðuðu, svona íslenskt sveitamix sem smíðað er eftir aðstæðum og aðföngum, bíla sem bera það með sér að vera "lifandi" svona eins og torfbæirnir stöðugar bætur hér og þar, þó ég viti ekki alveg hvernig eigi að koma því í orð þá, ættu hugsandi menn að ná conseptinu,.
það væri gaman að gera smá samantekt um þessa bíla.

[Z-414]

Fann aðra mynd af bílnum hjá móður minni og set líka inn mynd af bílasmiðnum


Bílasmiðurinn Einar Sverrisson (F. 1. apríl 1914 D. 30. janúar 2004)

[Z-414]

Kominn með aðeins meiri upplýsingar.
Bíllinn virðist hafa verið í eigu manns að nafni Gestur Jónsson, fann mynd af bílnum í myndasafni dóttur hans Arndísar Gestsdóttur á Flickr

[Frank]

Synd að svona skemmtilegar minjar hafa ekki verið varðveittar.

[Z-414]

Ég er ekki alveg viss með númerið, hann var í Árnessýslu þannig að það er nokkuð örugglega X, ætla að finna orginal myndina og sjá hvort það sérst ekki betur á henni.
Búinn að fá að vita að hann valt 1959 sem skýrir líklega útlitsbreitinguna milli myndanna.

[Z-414]

Það er einmitt verið að vinna í því.

[Aldowin]

Gaman væri að sjá svipinn á þeim hjá umferðarstofu ef þetta ætti að endurskrásetja......
ผลบอลสด

[Dísa Gests]

Foreldrar mínir áttu Sverrisson um tíma og mig minnir að hann hafi verið með númerið X499. Það er rétt að hann valt á hliðina með okkur rétt við Ingólfsfjall og er sagt hér árið 1959. Það má vel vera. Hann fór á hliðina og sluppu allir ómeiddir að öðru leyti en því að systir mín brenndi sig smávegis á púströrinu þegar henni var bjargað út úr bílnum. Ég man að pabbi sagði að stýrið hefði farið úr sambandi.